പിണറായി കൊലപാതകം; സൗമ്യയെ തെളിവെടുപ്പിന് എത്തിച്ചു
![](https://www.twentyfournews.com/wp-content/uploads/2018/04/soumya.jpg?x93056)
മാതാപിതാക്കളെയും മകളെയും വിഷം നല്കി കൊലപ്പെടുത്തിയ കേസില് അറസ്റ്റിലായ സൗമ്യയെ പടന്നക്കരയിലെ വീട്ടില് തെളിവെടുപ്പിന് എത്തിച്ചു. കൊലപാതകങ്ങളില് സൗമ്യയെ കൂടാതെ മറ്റാര്ക്കും പങ്കില്ലെന്നാണ് പോലീസിന്റെ നിഗമനം. ഇന്നലെയാണ് സൗമ്യയെ പോലീസ് കസ്റ്റഡിയിലെടുത്ത് അറസ്റ്റ് രേഖപ്പെടുത്തിയത്. തെളിവെടുപ്പിന് കൊണ്ടുവന്ന സൗമ്യയെ കാണാന് നിരവധി നാട്ടുകാരാണ് വീടിനു പരിസരത്ത് എത്തിയത്. നാട്ടുകാര് സൗമ്യക്കെതിരെ പ്രതിഷേധിക്കുകയും ഇവരെ കൂവി വിളിക്കുകയും ചെയ്തു.
സൗമ്യയുടെ മാതാപിതാക്കളായ കുഞ്ഞിക്കണ്ണന്, കമല എന്നിവരും സൗമ്യയുടെ രണ്ടാമത്തെ മകള് ഐശ്വര്യയും കഴിഞ്ഞ നാലുമാസത്തിനിടെ ദുരൂഹസാഹചര്യത്തില് മരിച്ചിരുന്നു. ഇവരെ താന് കൊലപ്പെടുത്തിയതാണെന്ന് ഇന്നലെ നടന്ന ചോദ്യം ചെയ്യലില് സൗമ്യ സമ്മതിച്ചിരുന്നു. സൗമ്യയുടെ മൂത്തമകള് ആറുവര്ഷം മുന്നെയും മരണപ്പെട്ടിരുന്നു. മൂത്തമകളുടേത് സ്വാഭാവിക മരണമാണെന്നാണ് സൗമ്യ പോലീസിനോട് പറഞ്ഞത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here