ഇൻഡിഗോയുടെ രണ്ട് വിമാനങ്ങൾ പിൻവലിച്ചു

എഞ്ചിൻ തകരാറിനെ തുടർന്ന് ഇൻഡിഗോയുടെ രണ്ട് വിമാനങ്ങൾ കൂടി സർവീസ് അവസാനിപ്പിച്ചു. പ്രാറ്റ് ആൻഡ് വിറ്റ്‌നി എഞ്ചിനിൽ പ്രവർത്തിക്കുന്ന എയർബസ് എ 320 വിമാനങ്ങളാണ് സർവീസിൽ നിന്ന് പിൻവലിച്ചത്.

ഒന്നാമത്തേത് റാഞ്ചിയിൽ നിന്നും രണ്ടാമത്തെ വിമാനം ദിബ്രുഗഡ് വിമാനത്താവളത്തിൽ നിന്നുമാണ് പിൻവലിച്ചത്. റാഞ്ചിയിൽ നിന്ന് പിൻവലിച്ച വിമാനത്തിന് ഓയിൽ ലീക്ക് തകരാറ് കണ്ടെത്തി. ദിബ്രുഗഡിൽ നിന്ന് പിൻവലിച്ച വിമാനത്തിന്റെ ഫയർ വാണിംഗ് സംവിധാനത്തിൽ തകരാറ് കണ്ടെത്തി, റിപ്പോർട്ടുകൾ സൂചിപ്പിക്കുന്നു.