സ്ക്കൂള്‍ ജൂണ്‍ ഒന്ന് വെള്ളിയാഴ്ച തുറക്കും, ശനിയാഴ്ചയും പ്രവര്‍ത്തിക്കും

ഈ അധ്യയന വര്‍ഷം ആരംഭിക്കുന്നത് ജൂണ്‍ ഒന്ന് വെള്ളിയാഴ്ച. തൊട്ടടുത്ത ദിവസമായ ശനിയാഴ്ചയും ക്ലാസ് ഉണ്ടായിരിക്കും. സാധാരണ സ്ക്കൂള്‍ തുറക്കുന്നച് ബുധനാഴ്ചയോ തിങ്കളാഴ്ചയോ ആയിരുന്നു. ആ കിഴ്വഴക്കമാണ് ഇത്തവണ മാറ്റിയത്. ജൂണ്‍ നാലിന് സ്ക്കൂള്‍ തുറക്കുമെന്നായിരുന്നു പ്രചരിച്ചിരുന്നത്. ഇത് സംബന്ധിച്ച ഔദ്യോഗിക പ്രഖ്യാപനം ഈ ആഴ്ച പുറത്ത് വരും. 220ദിവസം പ്രവൃത്തി ദിനമായിരിക്കണമെന്നതിനാലാണ് ജൂണ്‍ ഒന്നിന് തന്നെ സ്ക്കൂള്‍ തുറക്കുന്നത്. സിബിഎസ്ഇ സ്ക്കൂളുകള്‍ക്ക് ഈ തീരുമാനം ബാധകമല്ല.