അധികാരമേറ്റ ആദ്യ ദിനം തന്നെ ഐപിഎസ് ഉദ്യോഗസ്ഥരെ സ്ഥലം മാറ്റി യെദ്യൂരപ്പ

കര്‍ണാടകത്തില്‍ മുഖ്യമന്ത്രിയായി സത്യപ്രതിജ്ഞ ചെയ്ത ആദ്യ ദിവസം തന്നെ യെദ്യൂരപ്പ കളി തുടങ്ങി. നാല് ഐപിഎസ് ഉദ്യോഗസ്ഥരെ യെദ്യൂരപ്പ സ്ഥലം മാറ്റിയതായി സ്ഥിരീകരണം. ഡിജിപി, എഡിജിപി ഉള്‍പ്പെടെയുള്ള നാല് ഓഫീസര്‍മാരെയാണ് സ്ഥലം മാറ്റിയിരിക്കുന്നത്. കോണ്‍ഗ്രസ്- ജെഡിഎസ് സഖ്യത്തിലെ എംഎല്‍എമാര്‍ താമസിക്കുന്ന റിസോര്‍ട്ടിന്റെ സുരക്ഷ നീക്കം ചെയ്ത യെദ്യൂരപ്പയുടെ നടപടി നേരത്തേ വാര്‍ത്തയായിരുന്നു.