നിപയെ നേരിടാൻ മരുന്നെത്തിക്കും : മന്ത്രി കെകെ ഷൈലജ

സംസ്ഥാനത്തെ ആശങ്കയിലാക്കിയ നിപ വൈറസിനെ നേരിടാൻ കേരളത്തിൽ മരുന്നെത്തിക്കുമെന്ന് ആരോഗ്യമന്ത്രി കെകെ ഷൈലജ. ഇന്ന് ചേർന്ന മന്ത്രിസഭാ യോഗത്തിലാണ് ഇത് സംബന്ധിച്ച് തീരുമാനമായത്.

മലേഷ്യയിൽ ഉപയോഗിച്ച റിബാവിറിൻ മരുന്നാണ് കേരളത്തിലെത്തിക്കുന്നത്. ആശങ്കപ്പെടേണ്ട സാഹചര്യമില്ലെന്നും ജാഗ്രത പാലിച്ചാൽ മതിയെന്നും ആരോഗ്യമന്ത്രി കെകെ ഷൈലജ പറഞ്ഞു. നിപ വൈറസ് നിയന്ത്രണവിധേയമാണെന്നും മന്ത്രി പറഞ്ഞു. പക്ഷികൾ കടിച്ച പഴങ്ങൾ മാത്രം ഒഴിവാക്കിയാൽ മതിയെന്നും മന്ത്രി പറഞ്ഞു.

നിപ വൈറസ് ബാധ സംബന്ധിച്ച സംശയങ്ങൾക്ക് മറുപടി നൽകാൻ കൺട്രോൾ റൂം തുറന്നിട്ടുണ്ട്. കൺട്രോൾ റൂം നമ്പർ-047-2732151