കടുത്ത സൂര്യാഘാതം: 34 പേർ ആശുപത്രിയിൽ

നോർത്ത് ടെക്‌സാസിൽ കടുത്ത സൂര്യാഘാതത്തെ തുടർന്ന് 34 പേരെ ആശുപത്രിയിൽ പ്രവേശിപ്പിച്ചു. നോർത്ത് ടെക്‌സാസിലെ ഡാലസ് ഫോർട്ട്‌വർത്ത് ടറന്റ് കൗണ്ടി തുടങ്ങിയ പ്രദേശങ്ങളിൽ നിന്നുമുള്ളവരെയാണ് ആശുപത്രിയിൽ പ്രവേശിപ്പിച്ചിരിക്കുന്നത്. ഇതിൽ ഒരാളുടെ സ്ഥിതി അതീവ ഗുരുതരമാണ്. സമ്മർ സീസൺ ആരംഭിച്ചതോടെ സാധാരണയിൽ കവിഞ്ഞ ചൂടാണ് ഇവിടെ അനുഭവപ്പെടുന്നത്.

സൂര്യാഘാതത്തെ അതിജീവിക്കുവാൻ കൂടുതൽ പാനീയങ്ങൾ കഴിക്കണമെന്നും തുറസ്സായ സ്ഥലങ്ങളിൽ കൂടുതൽ സമയം ചിലവഴിക്കരുതെന്നും മുന്നറിയിപ്പു നൽകിയിട്ടുണ്ട്.