സിബിഎസ്ഇ പത്താം ക്ലാസ് ഫലം; തിരുവനന്തപുരം മേഖല ഒന്നാമത്‌

സിബിഎസ്ഇ പത്താം ക്ലാസ് പരീക്ഷാഫലം പ്രസിദ്ധീകരിച്ചു. 86.70 ശതമാനം വിജയം. തിരുവനന്തപുരം മേഖല ഒന്നാം സ്ഥാനത്ത്. 99.60 ശതമാനം വിജയം. ദേശീയ തലത്തില്‍ 499 മാര്‍ക്കു നേടിയ നാലു പേര്‍ക്ക് ഒന്നാം റാങ്ക്. തൃക്കാക്കര ഭവന്‍സ് വരുണ വിദ്യാലയത്തിലെ ജി. ശ്രീലക്ഷ്മിക്കും ഒന്നാം റാങ്ക്.

ചെന്നൈ റീജിയനില്‍ 97.37 ശതമാനം വിജയം. അജ്‌മേര്‍ വിജയശതമാനം 91.86. 27,000 ത്തിലധികം കുട്ടികള്‍ക്ക് 95 ശതമാനത്തിന് മുകളില്‍ മാര്‍ക്ക് ലഭിച്ചു. പെണ്‍കുട്ടികളുടെ വിജയശതമാനം 88.67 ഉം ആണ്‍കുട്ടികളുടേത് 85.32 ശതമാനവും. 16.24 ലക്ഷം വിദ്യാര്‍ത്ഥികളാണ് പരീക്ഷ എഴുതിയത്. 14.08 ലക്ഷം വിദ്യാര്‍ത്ഥികള്‍ പാസായി. 1,31,493 വിദ്യാര്‍ത്ഥികള്‍ 90 ശതമാനം മാര്‍ക്ക് നേടിയിട്ടുണ്ട്.