സ്വന്തം പേരില്‍ ഒരു പ്രൊഡക്ഷന്‍ കമ്പനിയുമായി സണ്ണി വെയ്ന്‍

സ്വന്തമായി ഒരു പ്രൊഡക്ഷന്‍ കമ്പനിയുമായി നടന്‍ സണ്ണി വെയന്‍. കമ്പനിക്ക് സണ്ണി വെയ്ന്‍ പ്രൊഡക്ഷന്‍സ് എന്നാണ് പേരിട്ടിരിക്കുന്നത്. സണ്ണി വെയ്‌ന്റെ കമ്പനിയുടെ ആദ്യ സംരഭം ഒരു നാടകമായിരിക്കും. ജിജു കൃഷ്ണ സംവിധാനം ചെയ്യുന്ന ‘മൊമെന്‍റ് ജസ്റ്റ് ബിഫോര്‍ ഡെത്ത്’ എന്നാണ് നാടകത്തിന്‍റെ പേര്. ഏറെ ആലോചനകള്‍ക്ക് ശേഷമാണ് ആദ്യനിര്‍മ്മാണസംരംഭമായി ഈ നാടകം തെരഞ്ഞെടുത്തതെന്നും സ്കൂള്‍ കാലം മുതല്‍ തന്‍റെ ഹൃദയത്തില്‍ പതിഞ്ഞതാണ് നാടകമെന്നും സണ്ണി. ബിജിബാലാണ് നാടകത്തിന് സംഗീതം പകരുന്നത്.