പുതിയ കേസുകള്‍ റിപ്പോര്‍ട്ട് ചെയ്തിട്ടില്ല; നിപയില്‍ ആശങ്ക അകലുന്നു

നിപ വൈറസ് ബാധയുമായി ബന്ധപ്പെട്ട ആശങ്ക അകലുന്നതായി ആരോഗ്യവകുപ്പ്. കഴിഞ്ഞ രണ്ട് ദിവസത്തില്‍ നിപ ലക്ഷണങ്ങളോടെ പുതിയ കേസുകള്‍ രജിസ്റ്റര്‍ ചെയ്യപ്പെട്ടിട്ടില്ല. ഇക്കാര്യം ആരോഗ്യവകുപ്പും സ്ഥിരീകരിച്ചു. നിലവില്‍ 22 പേര്‍ കോഴിക്കോട് ഐസൊലേഷന്‍ വാര്‍ഡില്‍ കഴിയുന്നു. ഇതുവരെ ലഭിച്ച 227 സാമ്പിള്‍ പരിശോധനാഫലങ്ങളില്‍ 18 എണ്ണത്തില്‍ മാത്രമാണ് നിപ സ്ഥിരീകരിച്ചത്. അതില്‍ 16 പേര്‍ മരിച്ചു. ഇതുവരെയും പുതിയ കേസുകളൊന്നും റിപ്പോര്‍ട്ട് ചെയ്യാത്തതിനാല്‍ നിപയുമായി ബന്ധപ്പെട്ടുള്ള ആശങ്ക അകലുന്നതായി ആരോഗ്യമന്ത്രി കെ.കെ. ശൈലജയും പറഞ്ഞു.

നിപ പ്ര​തി​രോ​ധ പ്ര​വ​ര്‍​ത്ത​ന​ങ്ങ​ളു​മാ​യി ബ​ന്ധ​പ്പെ​ട്ട് ഇ​ന്ത്യ​ന്‍ കൗ​ണ്‍​സി​ല്‍ ഓ​ഫ് മെ​ഡി​ക്ക​ല്‍ റി​സ​ര്‍​ച്ചി​ന്‍റെ ചെ​ന്നൈ ആ​സ്ഥാ​ന​മാ​യ നാ​ഷ​ണ​ല്‍ ഇ​ന്‍​സ്റ്റി​റ്റ്യൂ​ട്ട് ഓഫ് എ​പി​ഡേ​മോ​ള​ജി​യി​ലെ വി​ദ​ഗ്ദ​സം​ഘം മ​ന്ത്രി കെ.​കെ. ശൈ​ല​ജ​യു​മാ​യി കോ​ഴി​ക്കോ​ട് ഗ​സ്റ്റ് ഹൗ​സി​ല്‍ ക​ഴി​ഞ്ഞ ദി​വ​സം ച​ര്‍​ച്ച ന​ട​ത്തി. അ​തി​നു​ശേ​ഷം മു​ഖ്യ​മ​ന്ത്രി​യു​ടെ സാ​ന്നി​ധ്യ​ത്തി​ല്‍ തി​രു​വ​ന​ന്ത​പു​ര​ത്തു​ ന​ട​ന്ന ഉ​ന്ന​ത​ത​ല​യോ​ഗ​ത്തി​നി​ടെ വി​ഡി​യോ കോ​ണ്‍​ഫ​റ​ന്‍​സി​ലൂ​ടെ കോ​ഴി​ക്കോ​ട്, മ​ല​പ്പു​റം ക​ള​ക്ട​ര്‍​മാ​രു​മാ​യി മു​ഖ്യ​മ​ന്ത്രി സം​സാ​രി​ച്ചി​രു​ന്നു.

മേ​യ് 17ന് ​ശേ​ഷം ആ​ർ​ക്കും രോ​ഗ​ബാ​ധ​യു​ണ്ടാ​യി​ട്ടി​ല്ലെ​ന്ന് ആ​രോ​ഗ്യ​വ​കു​പ്പ് ക​ഴി​ഞ്ഞ ദി​വ​സം വ്യ​ക്ത​മാ​ക്കി​യി​രു​ന്നു. രോ​ഗ​ബാ​ധ നി​യ​ന്ത്ര​ണ​മാ​യ​തി​ന്‍റെ സൂ​ച​ന​യാ​ണി​തെ​ന്നും ആ​രോ​ഗ്യ​വ​കു​പ്പ് അ​റി​യി​ച്ചു. നിപ വൈറസ് ബാധയുമായി ബന്ധപ്പെട്ട വിഷയം ചർച്ച ചെയ്യാൻ സർക്കാർ സർവകക്ഷി യോഗം വിളിച്ചുചേർത്തിട്ടുണ്ട്. ഇന്ന് വൈകിട്ടാണ് യോഗം.