തീയറ്റർ ഉടമയെ അറസ്റ്റ് ചെയ്ത സംഭവത്തിൽ വിമർശനവുമായി ഡിജിപി

തീയറ്റർ പീഡനം പുറംലോകത്തെ അറിയിച്ച തീയറ്റർ ഉടമയെ അറസ്റ്റ് ചെയ്തതിൽ വിമർശനവുമായി ഡിജിപി.  ഐജിയേയും എസ്പിയേും ഡിജിപി ശാസിച്ചു. അറസ്റ്റ് ശരിയായ രീതിയിൽ അല്ലെന്നും ഡിജിപി വ്യക്തമാക്കി. ഈ അറസ്റ്റിൽ മുഖ്യമന്ത്രിയും അതൃപ്തി രേഖപ്പെടുത്തിയിരുന്നു. അറസ്റ്റ് നിയമപരമായി നിലനിൽക്കുന്നില്ലെന്നാണ് നിയമവിദഗ്ധരും വ്യക്തമാക്കുന്നത്. അറസ്റ്റ് നിയമപരമാണോയെന്ന് പരിശോധിച്ച് റിപ്പോർട്ട് നൽകാൻ പൊലീസ് മേധാവിയോട് മുഖ്യമന്ത്രി ആവശ്യപ്പെട്ടിരുന്നു.

കഴിഞ്ഞ ദിവസമാണ് തിയേറ്റർ ഉടമ സതീഷിനെ അറസ്റ്റ് ചെയ്തത് തിയേറ്ററിനുള്ളിൽ വച്ച് പ്രായപൂർത്തിയാകാത്ത പെണ്‍കുട്ടിയെ പീഡിപ്പിച്ച വിവരം സിസിടിവി ദൃശ്യങ്ങളിലൂടെ അറിഞ്ഞിട്ടും പൊലീസിന് വിവരം കൈമാറാൻ താമസിച്ചതിനായിരുന്നു അറസ്റ്റ്.