യുപിയിൽ ബസ് അപകടം; 17 മരണം

ഉത്തർപ്രദേശിൽ ബസ് മറിഞ്ഞ് 17 പേർ മരിച്ചു. നിരവധി പേർക്ക് പരിക്കേറ്റു. മെയിൻപുരി ജില്ലയിലെ ദൻഹാരിയിൽ ഇന്ന് രാവിലെയാണ് അപകടമുണ്ടായത്. അമിത വേഗത്തിൽ വന്ന സ്വകാര്യ ബസ് ഡിവൈഡറിൽ അടിച്ച് മറിയുകയായിരുന്നു. പരിക്കേറ്റവരെ സമീപത്തുള്ള ആശുപത്രിയിൽ പ്രവേശിപ്പിച്ചു. ഇതിൽ മൂന്ന് പേരുടെ നില ഗുരുതരമാണ്.

രാജസ്ഥാനിലെ ജയ്പൂരിൽ നിന്നും ഉത്തർപ്രദേശിലെ ഫറുഖാബാദിലേക്ക് വരികയായിരുന്ന വോൾവോ ബസാണ് അപകടത്തിൽപ്പെട്ടത്. ഡ്രൈവറിന്റെ അശ്രദ്ധയും അമിത വേഗവുമാണ് അപകടത്തിന് കാരണമായതെന്ന് യാത്രക്കാരിൽ ചിലർ ആരോപിച്ചു.