പട്ടിയെ കുളിപ്പിക്കാനും പൊലീസ് ; ദാസ്യവേലയുടെ കൂടുതല്‍ വിവരങ്ങള്‍ പുറത്ത്

പൊലീസുകാരനെക്കൊണ്ട് ദാസ്യവേല ചെയ്യിച്ചതിന് , ഡിജിപി സുധേഷ് കുമാറിനെ സായുധസേനാ മേധാവി സ്ഥാനത്തു നിന്ന് മാറ്റിയതിന് പിന്നാലെ കൂടുതല്‍ ദാസ്യപ്പണി വിവരങ്ങള്‍ പുറത്ത്. എഡിജിപി നിഥിന്‍ അഗര്‍വാളിന്റെ പട്ടിയെ കുളിപ്പിക്കാന്‍ ഡോഗ് സ്‌ക്വാഡിലെ പൊലീസുകാരെ ഉപയോഗിച്ചിരുന്നതിന്റെ ദൃശ്യങ്ങളാണ് പുറത്തുവന്നത്. ഡോഗ് സ്‌ക്വാഡിലെ പൊലീസുകാരെ വീട്ടില്‍ വിളിച്ചു വരുത്തിയാണ് പട്ടിയെ കുളിപ്പിച്ചിരുന്നത് എന്നാണ് റിപ്പോര്‍ട്ടുകള്‍. ഒരു വര്‍ഷം മുന്‍പുള്ള ദൃശ്യങ്ങളാണിത്. നിഥിന്‍ അഗര്‍വാള്‍ ബറ്റാലിയന്‍ ചുമതലയുള്ള എഡിജിപി ആയിരുന്നപ്പോഴാണ് സംഭവമെന്ന് കരുതുന്നു. അക്കാലത്ത്, ചില പൊലീസുകാര്‍ തന്നെ പകര്‍ത്തിയ ദൃശ്യങ്ങളാണ് ഇപ്പോള്‍ പുറത്തുവിട്ടതെന്നാണ് വിവരം.