ഗവാസ്കറിന് കഴുത്തിലെ കശേരുവില്‍ ക്ഷതം

എഡിജിപി സുധേഷ് കുമാറിന്റെ മകള്‍ മര്‍ദ്ദിച്ച പോലീസ് ഡ്രൈവര്‍ ഗവാസ്കറിന്റെ വാദം ശരിയെന്ന് തെളിയിക്കുന്ന മെഡിക്കല്‍ റിപ്പോര്‍ട്ട് പുറത്ത്. പെണ്‍കുട്ടി ഫോണ്‍ ഉപയോഗിച്ച് കഴുത്തില്‍ ഇടിച്ചെന്നാണ് ഗവാസ്കര്‍ പറഞ്ഞത്. ഇത് തെളിയിക്കുന്ന മെഡിക്കല്‍ റിപ്പോര്‍ട്ടാണ് ഇപ്പോള്‍ പുറത്ത് വന്നിരിക്കുന്നത്. ഗവാസ്കറുടെ കഴുത്തിലെ കശേരുക്കളില്‍ ചതവുണ്ടെന്നാണ് സ്കാനിംഗില്‍ വ്യക്തമായിരിക്കുന്നത്. കഴുത്തിന് പുറമെ മുതുകിലും ഫോണ്‍ ഉപയോഗിച്ച് ഇടിച്ചുവെന്നാണ് ഗവാസ്കറിന്റെ മൊഴി.
മര്‍ദ്ദനത്തിന്റെ പശ്ചാത്തലത്തില്‍ ഡിജിപി ലോക്നാഥ് ബഹ്ഖ ഇന്ന് സംസ്ഥാന പോലീസ് സ്റ്റേഷന്‍ ഭാരവാഹികളുമായി കൂടിക്കാഴ്ച നടത്തും. സംഭവത്തില്‍ കര്‍ശന നടപടി സ്വീകരിക്കുമെന്ന് മുഖ്യമന്ത്രി പിണറായി വിജയനും വ്യക്തമാക്കിയിരുന്നു.