സുരേഷ് ഗോപിയ്ക്കും അമല പോളിനും എതിരെ കുറ്റപത്രം

വ്യാജരേഖ ചമയ്ക്കല്‍, നികുതിവെട്ടിപ്പ് കേസുകളില്‍ സുരേഷ് ഗോപിയ്ക്കും അമല പോളിനും എതിരെ കുറ്റപത്രം ഒരുങ്ങുന്നു. വാഹന രജിസ്ട്രേഷനുമായി ബന്ധപ്പെട്ടാണ് ഇരുവരും നികുതി വെട്ടിച്ചതും, നികുതി വെട്ടിക്കാനായി വ്യാജരേഖ ചമച്ചതും. ഇവര്‍ സമര്‍പ്പിച്ച രേഖകള്‍ വ്യാജമാണെന്ന് കണ്ടെത്തിയിരുന്നു. ക്രൈംബ്രാഞ്ചാണ് കുറ്റപത്രം തയ്യാറാക്കുന്നത്. ഇരുവരും പുതുച്ചേരിയില്‍ വാഹനം രജിസ്റ്റര്‍ ചെയ്തത് നികുതി വെട്ടിക്കാനാണെന്ന് ക്രൈംബ്രാഞ്ച് കണ്ടെത്തിയിരുന്നു. സുരേഷ് ഗോപി 30 ലക്ഷം രൂപയും, അമലപോള്‍ 25ലക്ഷം രൂപയുമാണ് വെട്ടിച്ചത്. അതേസമയം ഫഹദ് ഫാസില്‍ പിഴ അടച്ചതിനാല്‍ നടപടി വേണോ എന്ന കാര്യം സര്‍ക്കാര്‍ തീരുമാനിക്കും. 19ലക്ഷം രൂപയാണ് പിഴയായി ഫഹദ് ഫാസില്‍ അടച്ചത്.

amala paul