അർജന്റീന തോറ്റതിൽ മനംനൊന്ത് ആത്മഹത്യ ചെയ്ത അർജന്റീന ആരാധകന്റെ മൃതദേഹം കണ്ടെത്തി

ലോകകപ്പിൽ അർജന്റീന തോറ്റതിൽ മനംനൊന്ത് ആത്മഹത്യ ചെയ്ത അർജന്റീന ആരാധകന്റെ മൃതദേഹം കണ്ടെത്തി. അയർക്കുന്നം ആറുമാനൂറിൽ നിന്നും കാണാതായ ഡിനു അലക്‌സിന്റെ മൃതദേഹമാണ് കണ്ടെത്തിയത്. കോട്ടയം ഇല്ലിക്കൽ പാലത്തിന് സമീപം മീനച്ചിലാറ്റിൽ നിന്നാണ് മൃതദേഹം കണ്ടെത്തിയത്.

അർജന്റീനയുടെ മത്സരം നടന്ന വ്യാഴാഴ്ച രാത്രിയാണ് ഡിനുവിനെ കാണാതായത്. പോലീസ് നടത്തിയ അന്വേഷണത്തിൽ വീട്ടിൽ നിന്നും ആത്മഹത്യാക്കുറിപ്പ് കണ്ടെത്തിയിരുന്നു.