കെവിൻ വധം; പുതിയ വെളിപ്പെടുത്തലുകളുമായി രാസപരിശോധനാ ഫലം പുറത്ത്

കെവിൻ വധത്തിൽ രാസപരിശോധനാ ഫലം പുറത്ത്. കെവിന്റേത് മുങ്ങിമരണമാണെന്നും ശരീരത്തിൽ മദ്യത്തിന്റെ അംശം ഉണ്ടായിരുന്നതായും രാസ പരിശോധനാ ഫലം വ്യക്തമാക്കുന്നു. കെവിന്റെ മരണം മുങ്ങിമരണമാണെന്ന് സ്ഥിരീകരിക്കുമ്പോഴും കെവിനെ അമിതമായി മദ്യം കുടിപ്പിച്ച് പുഴയിൽ തള്ളി കൊലപ്പെടുത്തിയതാകാനുള്ള സാധ്യതയാണ് പൊലീസ് വിലയിരുത്തുന്നത്.

അതേസമയം, ഫോറൻസിക് വിദഗ്ദ്ധർ ഇന്ന് തെന്മലയിൽ സന്ദർശനം നടത്തും. കെവിനെ ബലമായി മദ്യം കുടിപ്പിച്ച് അബോധാവസ്ഥയിലാക്കി പുഴയിൽ തള്ളി കൊലപ്പെടുത്തിയിരിക്കാമെന്ന സംശയം നേരത്തേ തന്നെ ഉയർന്നിരുന്നു. ഇക്കാര്യത്തിൽ അന്വേഷണം പുരോഗമിക്കുകയാണ്.

chemical