ബസ് മറിഞ്ഞ് 20 മരണം; മരണസംഖ്യ ഉയരാൻ സാധ്യത

ഉത്തരാഖണ്ഡിൽ ബസ് മറിഞ്ഞ് 20 പേർ മരിച്ചു. പൗരി ഗർവാൾ ജില്ലയിലെ നാനിധണ്ഡ പ്രദേശത്തെ മലയിടുക്കിലേക്ക്് ബസ് മറിഞ്ഞാണ് അപകടമുണ്ടായത്.

ഇതുവരെ ഇരുപത് മൃതദേഹങ്ങൾ കണ്ടെത്തിയിട്ടുണ്ട്. 12 പേരെ പരിക്കുകളോടെ ആശുപത്രിയിൽ പ്രവേശിപ്പിച്ചിട്ടുണ്ട്. രക്ഷാപ്രവർത്തനം തുടരുകയാണ്.

അതേസമയം മരണസംഖ്യ ഉയരാൻ സാധ്യതയുണ്ടെന്ന് ഗർവാൾ കമ്മീഷ്ണർ ദിലീപ് ഝവാൽക്കർ പറഞ്ഞു.