കാവേരിയിൽ നിന്നുള്ള വെള്ളം തിരിച്ചുവിടാനാവില്ല : കാവേരി മാനേജ്‌മെന്റ് അതോറിറ്റി

കാവേരിയിൽ നിന്ന് കിട്ടുന്ന വെള്ളം മറ്റൊരു നദീതടത്തിലേയ്ക്ക് തിരിച്ചുവിടാൻ അനുവദിക്കണമെന്ന കേരളത്തിൻറെ ആവശ്യം കാവേരി മാനേജ്‌മെൻറ് അതോററ്റി അംഗീകരിച്ചില്ല. സുപ്രീംകോടതി അനുവദിക്കാത്ത വിഷയമായതിനാൽ പരിഗണിക്കാനാകില്ലെന്നാണ് അതോറിറ്റിയുടെ നിലപാട്. ഇതോടം, കാവേരി വിഹിതം കോഴിക്കോട്ടെ ജപ്പാൻ കുടിവെള്ള പദ്ധതിക്കും വൈദ്യുതവകുപ്പിൻറെ കുറ്റ്യാടി ഓഗ്മെൻറേഷൻ പദ്ധതിക്കും ഉപയോഗിക്കാമെന്ന കേരളത്തിൻറെ കണക്കുകൂട്ടൽ അനിശ്ചിതത്വത്തിലായി.

മറ്റൊരു നദീ തടത്തിലേയ്ക്ക് തിരിച്ചു വിടാൻ സുപ്രീംകോടതി അനുമതിയില്ലെന്നാണ് കാവേരി മാനേജ്‌മെൻറ് അതോറിറ്റി വ്യക്തമാക്കിയത്. ഇക്കാര്യം പുനപരിശോധിക്കണമെന്നാവശ്യപ്പെട്ട് കേരളം കോടതിയെ സമീപിച്ചിട്ടുണ്ട്.