ബ്രിട്ടന്റെ ബ്രെക്‌സിറ്റ് സെക്രട്ടറി രാജി വച്ചു

ബ്രിട്ടന്റെ ബ്രെക്‌സിറ്റ് സെക്രട്ടറി ഡേവിഡ് ഡേവിസ് രാജി വച്ചു. ബ്രെക്‌സിറ്റ് വ്യവസ്ഥകളിൽ പ്രധാനമന്ത്രി തെരേസാ മേ മാറ്റങ്ങൾ വരുത്തിയതിന് പിന്നാലെയാണ് രാജി. ബ്രെക്‌സിറ്റ് വ്യവസ്ഥകൾ മയപ്പെടുത്തിയതിനെതിരെ കടുത്ത ബ്രെക്‌സിറ്റ് വാദികൾ വിമർശനവുമായി രംഗത്തെത്തിയിരുന്നു.

2016ലാണ് ഡേവിഡ് ഡേവിസിനെ യു.കെ ബ്രെക്‌സിറ്റ് സെക്രട്ടറിയായി നിയമിച്ചത്. യൂറോപ്യൻ യൂണിയനുമായുള്ള ബ്രെക്‌സിറ്റ് ചർച്ചകൾക്ക് നേതൃത്വം നൽകിയിരുന്നത് ഡേവിസ് ആയിരുന്നു. ബ്രെക്‌സിന്റെ ഗൗരവം നഷ്ടപ്പെടുത്തുന്നതാണ് തെരേസാ മേ കൊണ്ടുവരുന്ന മാറ്റങ്ങൾ എന്ന് ഡേവിസ് തന്റെ രാജിക്കത്തിൽ ആരോപിക്കുന്നു .