നദിയിൽ കുളിക്കാനിറങ്ങിയ അഞ്ചു കുട്ടികൾ മുങ്ങി മരിച്ചു

നദിയിൽ കുളിക്കാനിറങ്ങിയ അഞ്ച് കുട്ടികൾ മുങ്ങി മരിച്ചു. ബംഗ്ലാദേശിലെ കോക്‌സ് ബസാർ ജില്ലയിലെ മതാമുഹൂരി നദിയിലാണ് കുട്ടികൾ മുങ്ങി മരിച്ചത്.

ഫുട്‌ബോൾ കളിക്ക് ശേഷം കുളിക്കാനായി ഇറങ്ങിയതായിരുന്നു ഇവർ. അർജന്റീന, ബ്രസീൽ ടീമുകളായി വേർതിരിഞ്ഞായിരുന്നു ഇവരുടെ കളി. കളിക്ക് ശേഷം ആറ് കുട്ടികളാണ് നദിയിൽ കുളിക്കാനിറങ്ങിയത്. ആറ് മണിക്കൂർ നീണ്ട തെരച്ചിലിനൊടുവിലാണ് മൃതദേഹങ്ങൾ കണ്ടെത്തിയത്. ഒരു കുട്ടിയെ രക്ഷപ്പെടുത്തി.