ജസ്നയുടെ തിരോധാനം; സിബിഐയ്ക്ക് വിടണമെന്ന ഹര്‍ജിയില്‍ ഇപ്പോള്‍ ഇടപെടുന്നില്ലെന്ന് ഹൈക്കോടതി

കോളജ് വിദ്യാർത്ഥിനി ജസ് നയുടെ തിരോധാനതിൽ സിബിഐ അന്വേഷണം വേണമെന്ന ഹർജിയിൽ ഇപ്പോൾ ഇടപെടുന്നില്ലന്ന് ഹൈക്കോടതി.അന്വേഷണ പുരോഗതി വിലയിരുത്തുന്നുണ്ടന്നും കോടതി പറഞ്ഞു. വാക്കാലാണ് കോടതിയുടെ പരാമര്‍ശം. അന്വേഷണം ഊർജിതമായി നടക്കുന്നുണ്ടന്നും മൊബൈൽ ഫോൺ കേന്ദ്രീകരിച്ചുള്ള അന്വേഷണം പുരോഗമിക്കുകയാണന്നും സർക്കാർ അറിയിച്ചു .സൈബർ വിദഗ്ധനെ സംഘത്തിൽ ഉൾപ്പെടുത്തിയിട്ടുണ്ടന്നും ലക്ഷത്തിലധികം കോളുകൾ പരിശോധിച്ചു കഴിഞ്ഞെന്നും ഫോൺ പരിശോധയുടെ ഭാഗമായി 400 പേരിൽ നിന്ന് നേരിട്ട് തെളിവുകൾ ശേഖരിച്ചെന്നും പ്രോസികൂഷൻ അറിയിച്ചു. കേസ് 17 ന് പരിഗണിക്കാൻ മാറ്റി