ജസ്റ്റിസ് കെഎം ജോസഫ് ഇന്ന് ചുമതലയേൽക്കും

ജസ്റ്റിസ് കെഎം ജോസഫ് ഇന്ന് സുപ്രീം കോടതി ജഡ്ജിയായി ചുമതലയേൽക്കും. ചീഫ് ജസ്റ്റിസ് കോടതിയിൽ രാവിലെ പത്തരയ്ക്കാണ് സത്യപ്രതിജ്ഞാ ചടങ്ങുകൾ. സത്യപ്രതിജ്ഞക്ക‌് ശേഷം ചീഫ് ജസ്റ്റിസ‌് ബെഞ്ചിലാകും പുതിയ ജഡ്ജിമാർ ആദ്യദിവസം ഇരിക്കുക. അതേസമയം കെ എം ജോസഫിന്റെ സീനിയോരിറ്റി അട്ടിമറിച്ചത് സംബന്ധിച്ച് സുപ്രീം കോടതിയിലെ ഒരു വിഭാഗം ജഡ്ജിമാർ ചീഫ് ജസ്റ്റിസിനോട് പ്രതിഷേധം അറിയിച്ചിരുന്നു. അറ്റോർണി ജനറലുമായി ഈ വിഷം സംസാരിക്കാമെന്നാണ് ചീഫ് ജസ്റ്റിസ് ജഡ്ജിമാർക്ക് നൽകിയ ഉറപ്പ്.