മലപ്പുറത്ത് വീടിന് മുകളിലേക്ക് മണ്ണിടിഞ്ഞു; അഞ്ചിലേറെ പേര്‍ കുടുങ്ങി കിടക്കുന്നു

ദുരിതം വിതച്ച് മഴക്കെടുതി. മലപ്പുറം ജില്ലയില്‍ വീടിന് മുകളിലേക്ക് മണ്ണിടിഞ്ഞു വീണ് അപകടം. പെരിങ്ങാവിലാണ് സംഭവം. രണ്ട് പേര്‍ മരിച്ചു. അഞ്ചിലേറെ പേര്‍ മണ്ണിനടിയില്‍ കുടുങ്ങികിടക്കുന്നതായും സംശയം. കുടുങ്ങി കിടക്കുന്നവര്‍ക്കായി തെരച്ചില്‍ തുടരുന്നു. പത്തനംതിട്ട ചിറ്റാറില്‍ രണ്ട് പേര്‍ ഒഴുക്കില്‍പെട്ടു. ഇവര്‍ക്കായുള്ള അന്വേഷണം തുടരുകയാണ്. സംസ്ഥാനത്ത് മഴക്കെടുതിയില്‍ മരിച്ചവരുടെ എണ്ണം 13 ആയി.