പെരുമ്പാവൂരിൽ ഒറ്റപ്പെട്ട് പോയ ഇരുന്നൂറോളം പേരെ നാവിക സേന രക്ഷപ്പെടുത്തി

കനത്ത മഴയെ തുടര്‍ന്ന് പെരുമ്പാവൂര്‍ പാറപ്പുറത്ത് കുടുങ്ങിയ 200 പേരെ നാവികസേന രക്ഷിച്ചു. ‌പെരിയാറിലെ ജലനിരപ്പ് ഉയര്‍ന്നതിനെ തുടര്‍ന്ന് ഇരുകരയും വെള്ളത്തിലായി. ആലുവ ദേശീയ പാതയിൽ വെള്ളം കയറി. തോട്ടക്കാട്ടു കരയിലും കമ്പനി പടിയിലുമാണ് വെള്ളം കയറിയത്. എച്ച് എംടിയിലും വെള്ളം കയറിയിട്ടുണ്ട്.  കനത്ത മഴയെ തുടര്‍ന്ന് കൊച്ചി മെട്രൊ സര്‍വീസ് താല്‍കാലികമായി നിര്‍ത്തിവച്ചു. ആലുവയ്ക്കും ചാലക്കുടിയ്ക്കും ഇടയിൽ വെള്ളം കയറിയതിനാൽ ട്രെയിൻ ഗതാഗതവും നിറുത്തി വച്ചു.