വടുതല, ചിറ്റൂർ, ഇടപ്പള്ളി, എളമക്കര, പേരണ്ടൂർ മേഖലകളിലേക്ക് വെള്ളമെത്തും

ചെറുതോണിയിൽ നിന്ന് കൂടുതൽ വെള്ളം ഒഴുക്കിവിടുന്നതോടെ വടുതല, ചിറ്റൂർ, ഇടപ്പള്ളി, എളമക്കര, പേരണ്ടൂർ മേഖലകളിലേക്ക് വെള്ളമെത്തും. മുല്ലപ്പെരിയാറിലും, ഇടുക്കി ഡാമിന് പരിസരത്തും മഴ ശക്തമാകുകയാണ്. രാത്രി പത്ത് മണിയോടെ രണ്ട് ലക്ഷം ലിറ്റർ വെള്ളം പുറത്തേക്ക് വെള്ളം ഒഴുക്കി വിടാനാണ് തീരുമാനം. ചാലക്കുടി പുഴയിലും വെള്ളം കരകവിഞ്ഞ് ഒഴുകുകയാണ്. പെരിങ്ങൽകുത്ത് ഡാമിൽ വെള്ളം നിയന്ത്രിക്കാനാവുന്നില്ല. ഷട്ടറുകൾ തുറന്നിട്ടും ക്രമാതീതമായി വെള്ളം ഒഴുകിയെത്തുകയാണ്.