‘ജര്‍മന്‍ യാത്ര അത്ര പോര’; മന്ത്രി കെ. രാജുവിനെതിരെ കാനം

സംസ്ഥാനം പ്രളയക്കെടുതിയില്‍ മുങ്ങി ദുരിതമനുഭവിക്കുമ്പോള്‍ വനം മന്ത്രി കെ. രാജു ജര്‍മ്മനിയിലേക്ക് പോയത് ശരിയായില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍. മന്ത്രിക്ക് താന്‍ ചെയ്തതിലെ അനൗചിത്യം ബോധ്യമായിട്ടുണ്ട്. ഉടന്‍ തിരിച്ചെത്തുമെന്ന് അദ്ദേഹം അറിയിച്ചിട്ടുണ്ട്. തിരിച്ചെത്തിയാല്‍ തുടര്‍നടപടി സ്വീകരിക്കുമെന്നും കാനം രാജേന്ദ്രന്‍ മാധ്യമങ്ങളോട് വ്യക്തമാക്കി.

വേൾഡ് മലയാളി കൗൺസിലിൻറെ ഓണാഘോഷ പരിപാടിയിൽ പങ്കെടുക്കാനാണ് മന്ത്രി ജര്‍മ്മനിക്ക് പോയത്. കോട്ടയം ജില്ലയുടെ രക്ഷാദൗത്യം ഏകോപിപ്പിക്കാനുള്ള ചുമതലയുള്ള ആളായിരുന്നു വനംമന്ത്രി രാജു.