പ്രളയക്കെടുതി; കൊല്ലൂർ മൂകാംബിക ക്ഷേത്രം 1 കോടി രൂപ നൽകി

പ്രളയക്കെടുതിയെ തുടർന്ന് ദുരിതമനുഭവിക്കുന്ന കേരളത്തിന് ഒരു കോടി രൂപ നൽകി കൊല്ലരൂർ മൂകാംബിക ക്ഷേത്രം. മുഖ്യമന്ത്രിയുടെ ദുരിതാശ്വാസ നിധിയിലേക്ക് 1 കോടിയാണ് ക്ഷേത്രം ട്രസ്റ്റ് സംഭാവന ചെയ്തത്. ക്ഷേത്ര ഭരണ സമിതിയുടെ നേതൃത്വത്തിൽ നടന്ന യോഗത്തിലാണ് ഒരു കോടി നൽകാൻ തീരുമാനിച്ചത്. കേരളത്തിന് സമാനമായ രീതിയിൽ ദുരന്തം നേരിട്ടുകൊണ്ടിരിക്കുന്ന കർണ്ണാടകത്തിലെ കുടകിലും ക്ഷേത്ര ട്രെസ്റ്റ് സംഭാവന നൽകുന്നുണ്ട്.

25 ലക്ഷമാണ് സംഭാവനയായി കർണ്ണാടകയിലേ ദുരിതം അനുവഭിക്കുന്ന മേഖലയിലേക്ക് ക്ഷേത്ര ട്രെസ്റ്റ് നൽകുന്നത്. സംഭാവനയോടൊപ്പം തന്നെ ദുരിതത്തിലായവർക്കായി ആവശ്യ സാധനങ്ങൾ അടക്കമുള്ളവ ശേഖരിക്കുന്നതിനും പദ്ധതിയിടുന്നതായി ട്രസ്റ്റ് അറിയിച്ചു.