ചെങ്ങന്നൂരില്‍ രക്ഷാപ്രവര്‍ത്തനം തുടരുന്നു

ചെങ്ങന്നൂരില്‍ രക്ഷാപ്രവര്‍ത്തനം തുടരുന്നു. കുടുങ്ങികിടക്കുന്ന എല്ലാവരെയും രക്ഷിക്കുന്നതുവരെ പ്രവര്‍ത്തനം തുടരുമെന്നാണ് സൈന്യവും മത്സ്യതൊഴിലാളികളും വ്യക്തമാക്കിയത്. പാണ്ടനാട് മേഖലയില്‍ ഇനിയും കുറച്ച് പേര്‍ കൂടി കുടുങ്ങി കിടക്കുന്നുണ്ട്. പലര്‍ക്കും ഭക്ഷണവും വെള്ളവും അത്യാവശ്യമായിട്ടുണ്ട്. ഈ ഭാഗത്ത് രക്ഷാപ്രവര്‍ത്തനം ഇപ്പോഴും തുടരുകയാണ്. ക്യാമ്പുകളിലേക്ക് മടങ്ങാല്‍ താല്‍പര്യമില്ലാതെ നൂറ് കണക്കിന് ആളുകള്‍ വീടുകളില്‍ തന്നെ കഴിയുന്നതായും രക്ഷാപ്രവര്‍ത്തനം നടത്തുന്നവര്‍ അറിയിച്ചു. ചെങ്ങന്നൂരില്‍ നാളെയും രക്ഷാപ്രവര്‍ത്തനം തുടരുമെന്ന് ഡി.ജി.പി ലോക്‌നാഥ് ബെഹ്‌റയും വ്യക്തമാക്കി. 15 പേരടങ്ങുന്ന ആര്‍മി കമാന്‍ഡോ സംഘം ചെങ്ങന്നൂരിലെത്തിയിട്ടുണ്ട്.