സ്വാശ്രയ മെഡിക്കല്‍ കോളേജുകളുടെ അംഗീകാരം റദ്ദാക്കിയ നടപടി ഹൈക്കോടതി ശരിവെച്ചു

രണ്ട് സ്വാശ്രയ മെഡിക്കല്‍ കോളേജുകളുടെ അംഗീകാരം റദ്ദാക്കിയ കേന്ദ്ര ആരോഗ്യമന്ത്രാലയത്തിന്റെ നടപടി ഹൈക്കോടതി ശരിവെച്ചു. അടൂർ മൗണ്ട് സിയോൻ, പാലക്കാട് ചെർപ്പുളശ്ശേരി കേരള മെഡിക്കൽ കോളേജ് എന്നീ സ്ഥാപനങ്ങളുടെ അംഗീകാരമാണ് റദ്ദാക്കിയത്. അടിസ്ഥാന സൗകര്യങ്ങൾ ഇല്ലെന്ന മെഡിക്കൽ കൗൺസിലിന്റെ റിപ്പോർട്ടിന്റെ അടിസ്ഥാനത്തിലായിരുന്നു കേന്ദ്ര നടപടി. 2018- 19 വർഷത്തേക്കുള്ള പ്രവേശനാനുമതിയാണ് റദ്ദാക്കിയിരുന്നത്. കേന്ദ്ര നടപടി ചോദ്യം ചെയ്ത് മാനേജ്മെൻറുകൾ സമർപ്പിച്ച ഹർജികൾ കോടതി തള്ളി. മൗണ്ട് സിയോനിൽ 100 ഉം കേരള മെഡിക്കൽ കോളജിൽ 150 ഉം വിദ്യാർത്ഥികളെ പ്രവേശിപ്പിക്കാനാണ് അനുമതി ഉണ്ടായിരുന്നത്.