‘നമ്പി നാരായണന് നഷ്ടപരിഹാര തുക നല്‍കേണ്ടത് ഉമ്മന്‍ചാണ്ടിയും കെപിസിസിയും’; ആഞ്ഞടിച്ച് കോടിയേരി

ഐഎസ്ആര്‍ഒ ചാരക്കേസിലെ സുപ്രീം കോടതി വിധി കോണ്‍ഗ്രസ് സംസ്‌കാരത്തിന്റെ ജീര്‍ണ്ണമുഖം പുറത്തുകൊണ്ടു വന്നിരിക്കുകയാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. അനാവശ്യമായി പ്രതി ചേര്‍ത്ത് പീഢിപ്പിച്ചതിന് ശാസ്ത്രജ്ഞന്‍ നമ്പി നാരായണന് 50 ലക്ഷം രൂപ നഷ്ടപരിഹാരം നല്‍കേണ്ടത് ഉമ്മന്‍ചാണ്ടിയും കെപിസിസിയുമാണെന്ന് കോടിയേരി വിമര്‍ശിച്ചു. അധികാരത്തിനു വേണ്ടി എന്ത് നീചകൃത്യവും ചെയ്യുന്നവരുടെ കൂട്ടമാണ് കോണ്‍ഗ്രസെന്ന് ചാരവൃത്തി കേസ് വ്യക്തമാക്കിയെന്നും സംസ്ഥാന സെക്രട്ടറി പുറപ്പെടുവിച്ച പ്രസ്താവനയില്‍ പറയുന്നു.