ഒരു കോടി വിലമതിക്കുന്ന നിരോധിച്ച നോട്ടുകളുമായി നിലമ്പൂരിൽ അഞ്ച് പേർ പിടിയിൽ

നിലമ്പൂരിൽ ഒരു കോടി വിലമതിക്കുന്ന നിരോധിച്ച നോട്ടുകളുമായി അഞ്ച് പേർ പിടിയിൽ. മലപ്പുറം സ്വദേശികളായ ജലീൽ, ഫിറോസ്, ഷൈജൻ, തിരുവനന്തപുരം സ്വദേശികളായ സന്തോഷ്, സോമനാഥൻ എന്നിവരാണ് പിടിയിലായത്.

ഇന്നലെ രാത്രി പത്ത് മണിയോടെയാണ് സംഭവം. പണം കൈമാറാനായി ഇന്നോവ കാറിലെത്തിയ സംഘം പൊലീസ് പിടിയിലാവുകയായിരുന്നു. പാലക്കാടുള്ള ഏജന്റിന് 10 ലക്ഷം രൂപ നൽകിയാണ് ഒരു കോടിയുടെ പഴയ നോട്ടുകൾ വാങ്ങിയതെന്നാണ് പിടിയിലായവർ നൽകിയ മൊഴി. കൂടുതൽ കമ്മീഷൻ വാങ്ങി മറിച്ചുവിൽക്കാൻ ശ്രമിക്കുന്നതിനിടെയാണ് ഇവർ പൊലീസിന്റെ പിടിയിലായത്.