മുകേഷിനെതിരെയുള്ള ലൈംഗികാരോപണം; വിഷയം രാഷ്ട്രീയവൽക്കരിക്കരുതെന്ന് ടെസ് ജോസഫ്

നടനും എംഎൽഎയുമായ മുകേഷിനെതിരെ നടത്തിയ ലൈംഗികാരോപണം രാഷ്ട്രീയവൽക്കരിക്കരുതെന്ന് പരാതിക്കാരി ടെസ് ജോസഫ്. സംഭവത്തിൽ നിയമപരമായ ഒരു നടപടിയും സ്വീകരിക്കില്ലെന്നും ടെസ് ജോസഫ് പറഞ്ഞു.

ഇത്തരക്കാരെ തുറന്നുകാട്ടാൻ മാത്രമാണ് ശ്രമമെന്നും ടെസ് പറഞ്ഞു. മുകേഷ് ഫോണിൽ വിളിച്ച് ശല്യം ചെയ്യാൻ ശ്രമിച്ചെന്നും മുകേഷിന്റെ മുറിക്ക് തൊട്ടടുത മുറിയിലേക്ക് തന്നെ മാറ്റാൻ ശ്രമിച്ചുവെന്നും ടെസ് ആരോപിച്ചു. അന്നത്തെ സ്ഥാപന മേധാവി ഡെറിക് ഒബ്രയാനാണ് രക്ഷയ്‌ക്കെത്തിയതെന്നും ടെസ് പറഞ്ഞു.

അതേസമയം, സംഭവത്തെ കുറിച്ച് തനിക്ക് ഓർമ്മയില്ലെന്ന് മുകേഷ് പറഞ്ഞു. ടെസ് ജോസഫിനെ അറിയില്ലെന്നും മുകേഷ് പറഞ്ഞു.