സാത്താന്‍ ആരാധന; സഹപാഠികളുടെ രക്തവും മാംസവും ഭക്ഷിക്കാന്‍ തീരുമാനിച്ച പെണ്‍കുട്ടികള്‍ അറസ്റ്റില്‍
സാത്താൻ ആരാധനയ്ക്കായി സഹപാഠികളെ കൊന്ന് രക്തവും മാംസവും ഭക്ഷിക്കാൻ തയ്യാറെടുത്ത പെൺകുട്ടികള്‍ അറസ്റ്റില്‍. ഫ്ളോറിഡയിലെ ബാർട്ടോ മിഡ്ഡിൽ സ്കൂളിലാണ് സംഭവം. സ്ക്കൂളിലെ ബാത്ത് റൂമില്‍ നിന്നാണ് പെണ്‍കുട്ടികളെ പോലീസ് അറസ്റ്റ് ചെയ്തത്. അറസ്റ്റ് ചെയ്യുമ്പോള്‍ ഇവരുടെ കയ്യില്‍ മാരക ആയുധങ്ങളുണ്ടായിരുന്നു. ഇവിടെ വരുന്ന കുട്ടികളെ ആക്രമിച്ച് പദ്ധതി പൂർത്തിയാക്കിയതിന് ശേഷം ആത്മഹത്യ ചെയ്യാനായിരുന്നു പെണ്‍കുട്ടികള്‍ തീരുമാനിച്ചത്.കത്തികളും പിസ്സാ കട്ടറും വൈൻ ഗ്ലാസ്സും ഇവരുടെ കൈവശം ഉണ്ടായിരുന്നു. ഇവര്‍ക്ക് പ്രായപൂര്‍ത്തിയാകാത്തതിനാല്‍ ജുവൈനല്‍ ഹോമിലേക്ക് മാറ്റി.
സിനിമകള്‍ കണ്ടാണ് കുട്ടികള്‍ സാത്താന്റെ ആരാധന തുടങ്ങിയതെന്ന് പോലീസ് വ്യക്തമാക്കി. ആത്മഹത്യ ചെയ്ത് നരകത്തിൽ പോയി സാത്താനൊപ്പം ജീവിക്കാൻ വേണ്ടിയാണ് ഇതിനൊരുങ്ങിയതെന്നാണ് പെണ്‍കുട്ടികള്‍ പോലീസിനോട് പറഞ്ഞത്. ആയുധം കൈവശം വയ്ക്കൽ, ഗൂഢാലോചന, കൊലപാതക ശ്രമം എന്നീ കുറ്റങ്ങൾ ചുമത്തിയാണ് ഇവരെ അറസ്റ്റ് ചെയ്തിരിക്കുന്നത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
