ശബരിമലയിൽ യുവതി പ്രവേശനം; ഹര്‍ജി ഹൈക്കോടതി തള്ളി

ശബരിമലയിൽ യുവതി പ്രവേശനത്തിൽ തൽസ്ഥിതി തുടരാൻ നിർദേശിക്കണമെന്ന ഹർജി ഹൈക്കോടതി തള്ളി . പുന:പ്പരിശോധനാ ഹർജികളിൽ അന്തിമ തീരുമാനം ആവും വരെ പ്രവേശനം തടയണമെന്നായിരുന്നു ഹർജിയിലെ ആവശ്യം. സുപ്രീം കോടതി വിധി തടയാന്‍ ഹൈക്കോടതിയ്ക്ക് ആകില്ല. ആ വിധി നടപ്പിലാക്കാന്‍ സര്‍ക്കാറിന് ബാധ്യതയുണ്ടെന്നും ഹൈക്കോടതി വ്യക്തമാക്കി. അതിനുള്ള നടപടികളാണ് സര്‍ക്കാര്‍ സ്വീകരിക്കുന്നത്. ശബരിമലയിലെ സ്ത്രീപ്രവേശനം തടയാനാകില്ല. രക്തചൊരിച്ചില്‍ ഉണ്ടാക്കാനല്ല തടയാനാണ് നിയമങ്ങള്‍ എന്നും ഹൈക്കോടതി വ്യക്തമാക്കി.