സഭയില്‍ പ്രതിഷേധം; ചോദ്യോത്തരവേള റദ്ദാക്കി, സഭ ഇന്നത്തേക്ക് പിരിഞ്ഞു

തുടര്‍ച്ചയായി രണ്ടാം ദിവസവും പ്രതിപക്ഷ ബഹളത്തില്‍ സഭ പ്രക്ഷുബ്ധം. ശബരിമല വിഷയം ചര്‍ച്ച ചെയ്യണമെന്ന് ആവശ്യപ്പെട്ടാണ് പ്രതിഷേധം.
ബഹളത്തെ തുടര്‍ന്ന് നിയമസഭയില്‍ ചോദ്യോത്തര വേളയും ശ്രദ്ധക്ഷണിക്കലും സബ്മിഷനും റദ്ദാക്കി. ബഹളം തുടര്‍ന്നതോടെ വേഗത്തില്‍ തന്നെ സഭാനടപടികള്‍ പൂര്‍ത്തിയാക്കി സഭ ഇന്നത്തേക്ക് പിരിഞ്ഞു. ഇരുപത് മിനിട്ട് മാത്രമാണ് സഭ ചേര്‍ന്നത്.