‘ആകാശപക്ഷിയ്ക്കു ചേക്കേറുവാൻ’; വൈറലായി കണ്ണൂർ അന്താരാഷ്ട്ര വിമാനത്താവളത്തിന്റെ തീം സോങ്

ഉ​ദ്ഘാടനത്തിന് ദിവസങ്ങൾമാത്രം ബാക്കിനിൽക്കെ സാമൂഹ്യമാധ്യമങ്ങളിൽ തരം​ഗമാവുകയാണ് കണ്ണൂർ അന്താരാഷ്ട്ര വിമാനത്താവളത്തിന്റെ തീം സോങ്. ‘ആകാശപക്ഷിയ്ക്കു ചേക്കേറുവാൻ…’ എന്നു തുടങ്ങുന്ന മനോഹര​ഗാനം കണ്ണൂ ഇന്റർനാഷ്ണൽ എയർപോർട്ട് ലിമിറ്റഡിന്റെ ഔദ്യോ​ഗിക ഫെയ്സ്ബുക്ക് പേജിലൂടെയാണ് പുറത്തുവിട്ടത്.

നടനും ​ഗായകനും സംവിധായകനും അതിലുപരി കണ്ണൂർ സ്വദേശിയുമായ വിനീത് ശ്രീനിവാസനാണ് ​ഗാനത്തിന്റെ ആലാപനം. വേണു​ഗോപാൽ രാമചന്ദ്രൻ നായരുടെ വരികൾക്ക് രാഹുൽ സുബ്രഹ്മമ്യൻ സം​ഗീതം പകർന്നിരിക്കുന്നു.