കൊച്ചി ബ്യൂട്ടി പാർലർ വെടിവെപ്പ്; ലീനയുടെ മൊഴി ഇന്ന് രേഖപ്പെടുത്തും

കൊച്ചി ബ്യൂട്ടി പാർലർ വെടിവെപ്പിൽ ഉടമ ലീനയുടെ മൊഴി ഇന്ന് രേഖപ്പെടുത്തും. ലീനയുടെ മൊഴികളിൽ അവ്യക്തതയെന്ന് ചൂണ്ടിക്കാട്ടിയാണ് പോലീസ് വീണ്ടും മൊഴി രേഖപ്പെടുത്തുന്നത്.

നേരത്തെയും അന്വേഷണ സംഘം ലീനയെ ചോദ്യം ചെയ്തിരുന്നു. പണം ആവശ്യപ്പെട്ട് ലീനയെ വിളിച്ചത് അധോലോക നായകൻ രവി പൂജാരിയാണെന്ന് ഉറപ്പായതിന്റെ അടിസ്ഥാലത്തിലാണ് ചോദ്യം ചെയ്യൽ. രവിയുടെ സംഘാംഗങ്ങളുടെ തന്നെ നിർദേശ പ്രകാരം കൊച്ചിയിലെ പ്രാദേശിക ഗുണ്ടകളാണ് ബ്യൂട്ടി പാർലറിനുനേരെ ആക്രമണം നടത്തിയതെന്ന നിഗമനത്തിലാണ് പോലീസ്.