ശബരിമല യുവതി പ്രവേശനത്തിനു പിന്നാലെയുണ്ടായ സ്ഥിതിഗതികൾ ഇന്ന് മന്ത്രിസഭ യോഗം വിലയിരുത്തും

ശബരിമല യുവതി പ്രവേശനത്തിനു പിന്നാലെയുണ്ടായ സ്ഥിതിഗതികൾ ഇന്ന് തിരുവനന്തപുരത്ത് ചേരുന്ന സംസ്ഥാന മന്ത്രിസഭ യോഗം വിലയിരുത്തും. കഴിഞ്ഞ ദിവസമുണ്ടായ അക്രമണങ്ങളടക്കം മന്ത്രിസഭ ചർച്ച ചെയ്തേക്കും. തിരുവനന്തപുരം വിമാനത്താവളം സ്വകാര്യവത്കരിക്കാനുള്ള കേന്ദ്ര നീക്കവുമായി ബന്ധപ്പെട്ട കാര്യങ്ങളും ചർച്ചക്ക് വരും. നെയ്യാറ്റിൻകരയിൽ കൊല്ലപ്പെട്ട സനലിന്റെ കുടുംബത്തിന് ധനസഹായം, പള്ളിത്തർക്കങ്ങൾ പരിഹരിക്കാൻ തീരുമാനിച്ച മന്ത്രിസഭ ഉപസമിതിയുടെ പരിഗണന വിഷങ്ങൾ അടക്കം യോഗം ചർച്ച ചെയ്യുമെന്നാണ് സൂചന.