ലാ ലിഗയില്‍ മെസിയുടെ നാനൂറാം ഗോള്‍

നാനൂറാം ലാ ലിഗ ഗോളെന്ന ചരിത്രനേട്ടവുമായി ലയണല്‍ മെസി. യൂറോപ്യന്‍ ലീഗുകളില്‍ ഒന്നില്‍ മാത്രമായി 400 ഗോളുകള്‍ നേടുന്ന ആദ്യ താരമെന്ന നേട്ടമാണ് ഇതോടൊപ്പം മെസി സ്വന്തമാക്കിയത്. 435 മത്സരങ്ങളില്‍ നിന്നാണ് ഈ നേട്ടം. എയ്ബറിനെതിരായ മത്സരത്തില്‍ 53 ാം
മിനുട്ടില്‍ നേടിയ ഗോളാണ് മെസിയെ ചരിത്രനേട്ടത്തിലേക്കെത്തിച്ചത്.

മത്സരത്തില്‍ എയ്ബറിനെ ബാഴ്‌സ 3-0 ത്തിന് തകര്‍ത്തു. മെസിക്ക് പുറമേ 19,59 മിനുട്ടുകളിലായി സുവാരസാണ് ബാഴ്‌സയ്ക്കു വേണ്ടി ഗോളുകള്‍ നേടിയത്. ജയത്തോടെ സ്പാനിഷ് ലീഗില്‍ 43 പോയിന്റുമായി ബാഴ്‌സ ഒന്നാമതെത്തി. 38 പോയിന്റുള്ള അത്‌ലറ്റിക്കോ മാഡ്രിഡാണ് രണ്ടാം സ്ഥാനത്തുള്ളത്.