ഉപതിരഞ്ഞെടുപ്പ്; ഹരിയാനയിലും രാജസ്ഥാനിലും വോട്ടിങ്‌ പുരോഗമിക്കുന്നു

ഉപതിരഞ്ഞെടുപ്പ് നടക്കുന്ന ഹരിയാനയിലെ ജിന്ദ് , രാജസ്ഥാനിലെ രാംഗര്‍ഹ് മണ്ഡലങ്ങളില്‍ വോട്ടിങ്‌ പുരോഗമിക്കുന്നു. ഐ.എന്‍.എല്‍.ഡി എം.എല്‍.എ ഹരിചന്ദ് മിഥ യുടെ നിര്യാണത്തെത്തുടര്‍ന്നാണ് ജിന്ദില്‍ ഉപതിരഞ്ഞെടുപ്പ് വേണ്ടി വന്നത്. ബി.എസ് പി സ്ഥാനാര്‍ത്ഥി മരിച്ചതിനാല്‍ കഴിഞ്ഞ ഡിസംബറില്‍ നടന്ന നിയമസഭാ തിരഞ്ഞെടുപ്പില്‍ രാംഗര്‍ഹിലെ തിരഞ്ഞെടുപ്പ് മാറ്റി വെച്ചിരുന്നു.

രണ്ടിടങ്ങളിലും ത്രികോണ മത്സരമാണ് നടക്കുന്നത്.ജിന്ദില്‍ ബിജെപി, കോണ്‍ഗ്രസ്, ഐ.എന്‍.എല്‍.ഡി എന്നീ പാര്‍ട്ടികള്‍ തമ്മില്‍ ഏറ്റുമുട്ടുമ്പോള്‍ രാംഗര്‍ഹില്‍ കോണ്‍ഗ്രസും ബിജെപിയും ബിഎസ്പിയും തമ്മിലാണ് മത്സരം