കൊൽക്കത്തയിലെ സിബിഐ-പോലീസ് പോര്; കേസ് സുപ്രീംകോടതി നാളെ പരിഗണിക്കും

പശ്ചിമ ബംഗാൾ സർക്കാർ അന്വേഷണവുമായി സഹകരിക്കണമെന്ന സിബിഐയുടെ ഹർജി സുപ്രീംകോടതി നാളെ പരിഗണിക്കും. ഹർജി അടിയന്തരമായി പരിഗണിക്കില്ലെന്നും തെളിവുകൾ നശിപ്പിക്കാൻ ശ്രമിച്ചാൽ ഇടപെടുമെന്നും കോടതി പറഞ്ഞു.

അതേസമയം, ചിട്ടി തട്ടിപ്പുകേസിൽ കൊൽക്കത്ത കമ്മീഷണറെ ചോദ്യം ചെയ്യാനെത്തിയ സിബിഐ നടപടിയിൽ പ്രതിഷേധിച്ച് മമത സത്യാഗ്രഹം തുടങ്ങി . ഭരണഘടന സംരക്ഷിക്കാനാണ് സമരമെന്ന് മമതാ ബാനർജി പറഞ്ഞു . സംഭവത്തിൽ ഗവർണർ ചീഫ് സെക്രട്ടറിയോട് വിശദീകരണം തേടി

ഇന്ത്യയുടെ ചരിത്രത്തിലാദ്യമായാണ് കേന്ദ്ര സർക്കാർ ഒരു സംസ്ഥാന സർക്കാരിനോട് ഇങ്ങനെ പെരുമാറുന്നതെന്ന് മുതിർന്ന കോൺഗ്രസ് നേതാവ് കപിൽ സിബൽ. കേന്ദ്രത്തിന്റെ നടപടി ഭരണഘടനാവിരുദ്ധമാണെന്നും സിബൽ പറഞ്ഞു.

നടപടിക്രമങ്ങൾ പാലിക്കാതെയാണ് കൊൽക്കത്ത കമ്മീഷണറുടെ വീട്ടിൽ സിബിഐ സംഘം എത്തിയതെന്ന്
കോൺഗ്രസ് നേതാവും അഭിഭാഷകനുമായ മനു അഭിഷേക് സിംഗ്‌വി .