നേപ്പാളില്‍ ഹെലികോപ്റ്റര്‍ തകര്‍ന്ന് മന്ത്രിയടക്കം 6 പേര്‍ മരിച്ചു

നേപ്പാളില്‍ ഹെലികോപ്റ്റര്‍ തകര്‍ന്ന് വീണ് മന്ത്രിയടക്കം ആറു പേര്‍ മരിച്ചു. നേപ്പാള്‍ ടൂറിസം മന്ത്രി രവീന്ദ്ര അധികാരി അടക്കമുള്ളവരാണ് മരിച്ചത്. ടെഹ്‌റാതും ജില്ലയിലെ പതിഭരയ്ക്ക് സമീപം വെച്ചായിരുന്നു അപകടം.

പതിഭരയിലെ ക്ഷേത്രത്തില്‍ സന്ദര്‍ശനം നടത്തി മടങ്ങുംവഴിയാണ് അപകടമുണ്ടായത്. ഹെലിക്കോപ്റ്ററിലുണ്ടായിരുന്ന എല്ലാവരും മരിച്ചതായി വ്യോമയാന മന്ത്രാലയ വൃത്തങ്ങള്‍ വ്യക്തമാക്കി.