രാജ്യത്തെ എല്ലാ പൗരന്മാരുടേയും മൂത്രം ശേഖരിക്കുക; അതിൽ നിന്നും കീടനാശിനി ഉണ്ടാക്കുക : നിതിൻ ഗഡ്കരി
എല്ലാ പൗരന്മാരുടേയും മൂത്രം ശേഖരിച്ച് അതിൽ നിന്ന് കീടനാശിനി ഉണ്ടാക്കണമെന്ന് കേന്ദ്ര മന്ത്രി നിതിൻ ഗഡ്കരി. ഇങ്ങനെ ചെയ്തു കഴിഞ്ഞാൽ ഇന്ത്യക്ക് മറ്റു രാജ്യങ്ങളിൽ നിന്ന് കീടനാശിനി ഇറക്കുമതി ചെയ്യേണ്ടി വരില്ലെന്നും അദ്ദേഹം പറഞ്ഞു. നാഗ്പൂരിലെ യംങ്ങ് ഇന്നവേറ്റേഴ്‌സ് ചടങ്ങിൽ സംസാരിക്കുകയായിരുന്നു ഗഡ്കരി.
ജൈവ മാലിന്യങ്ങളിൽ നിന്നും ജൈവ ഇന്ധനങ്ങൾ നിർമിക്കേണ്ടതിന്റെ പ്രധാന്യത്തെക്കുറിച്ചും ഗഡ്കരി ചടങ്ങിൽ ഓർമിപ്പിച്ചു. മനുഷ്യന്റെ മൂത്രം പോലും ജൈവ ഇന്ധനം ഉണ്ടാക്കാൻ ഉപയോഗിക്കാമെന്നും ഗഡ്കരി പറഞ്ഞു.
Read Also : ദലിത് കർഷകനെ ഉന്നത ജാതിക്കാർ കെട്ടിയിട്ട് മൂത്രം കുടിപ്പിച്ചു
‘വിമാനത്താവളങ്ങളിലെ മൂത്രം ശേഖരിക്കണമെന്ന് ഞാൻ ആവശ്യപ്പെട്ടിട്ടുണ്ട്. നമ്മൾ യൂറിയ ഇറക്കുമതി ചെയ്യുകയാണ്. എന്നാൽ നമ്മൾ രാജ്യത്തെ മുഴുവൻ മൂത്രവും ശേഖരിക്കുകായണെങ്കിൽ നമുക്ക് പിന്നെ യൂറിയ ഇറക്കുമതി ചെയ്യേണ്ട ആവശ്യമുണ്ടാകില്ല. അത്രയ്ക്ക് കഴിവുണ്ടതിന്. ഒന്നും വെറുതെയാവുകയുമില്ല’ കേന്ദ്ര മന്ത്രി പറഞ്ഞു
എന്നാൽ തന്റെ നവീനമായ ആശയങ്ങൾക്ക് പിന്തുണ ലഭിക്കുന്നില്ലെന്നും ഗഡ്കരി കുറ്റപ്പെടുത്തി. ‘മറ്റുള്ള ആളുകൾ ഞാനുമായി സഹകരിക്കില്ല, കാരണം എന്റെ ആശയങ്ങളെല്ലാം അടിപൊളിയാണ്. മുനിസിപ്പൽ കോർപ്പറേഷൻ പോലും എന്നെ സഹായിക്കില്ല. കാരണം സർക്കാറിൽ ആളുകളെ അങ്ങോട്ടുമിങ്ങോട്ടും നോക്കുന്ന മദം പൊട്ടിയ കാളകളെപ്പോലെ പെരുമാറാനാണ് പരിശീലിപ്പിക്കുന്നത്’ ഗഡ്കരി പറഞ്ഞു
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
