‘ഗൂഗിള്‍ പേയ്‌മെന്റ്’ നോട് വിശദീകരണം ആവശ്യപ്പെട്ട് ഡല്‍ഹി ഹൈക്കോടതി

ഗൂഗിള്‍ പേയ്‌മെന്റ് ആപ്പായ ജി പേയോട് വിശദീകരണം ആവശ്യപ്പെട്ട് ഡല്‍ഹി ഹൈക്കോടതി. റിസര്‍വ് ബാങ്കിന്റെ അംഗീകാരമില്ലാതെയാണ് ഗൂഗിള്‍ പേ പ്രവര്‍ത്തിക്കുന്നത് എന്ന് അഭിജിത്ത് മിശ്ര എന്ന ആള്‍ നല്‍കിയ ഹര്‍ജിയുടെ അടിസ്ഥാനത്തിലാണ് കോടതി ‘ഗൂഗിള്‍ പേ’ യോട് കോടതി വിശദീകരണം ആവശ്യപ്പെട്ടത്. ഈ മാസം 29ന് മുന്‍പായി ഈ വിഷയത്തില്‍ വിശദീകരണം നല്‍കനാണ് കോടതി ഉത്തരവ്.

എന്നാല്‍ ആപ്പ് പ്രവര്‍ത്തിക്കുന്നത് യുപിഐ വഴിയാണെന്നും ഇതിന് ലൈസന്‍സിന്റെ ആവശ്യമില്ലെന്നുമാണ് ഗൂഗിളിന്റെ വിശദീകരണം. മാത്രമല്ല, ഇന്ത്യയിലെ നിയമത്തിന് വിരുദ്ധമായി ഒന്നും ചെയ്തിട്ടില്ലെന്നും കമ്പനി വ്യക്തമാക്കുന്നു.