പത്തനംതിട്ട ഇലന്തൂരിൽ ഏതു സ്ഥാനാർത്ഥിക്ക് വോട്ട് ചെയ്താലും പോകുന്നത് എൽഡിഎഫിനെന്ന് ആരോപണം; പരിശോധന ആരംഭിച്ചു

പത്തനംതിട്ട ഇലന്തൂരിൽ ഏതു സ്ഥാനാർത്ഥിക്ക് വോട്ട് ചെയ്താലും വോട്ട് എൽഡിഎഫിനെന്ന് യുഡിഎഫ് പരാതി. സംഭവത്തിൽ പരിശോധന ആരംഭിച്ചിട്ടുണ്ട്.

നേരത്തെ കോവളത്ത് നിന്നും സമാന പരാതി ലഭിച്ചിരുന്നു. എന്നാൽ അവിടെ കൈപ്പത്തിക്ക് കുത്തിയ വോട്ട് പോയിരുന്നത് താമര ചിഹ്നത്തിനായിരുന്നു. എന്നാൽ ഈ ആരോപണം പാടെ തള്ളി ജില്ലാ കളക്ടർ വസുകിയും തെരഞ്ഞെടുപ്പ് കമ്മീഷണർ ടീകാറാം മീണയും രംഗത്തെത്തിയിരുന്നു.

Read Also : വോട്ടിങ് യന്ത്രത്തിൽ പിഴവെന്ന വാർത്ത അടിസ്ഥാന രഹിതം

ഒരു സ്ഥാനാർഥിക്ക് വോട്ട് ചെയ്യുമ്പോൾ മറ്റൊരു സ്ഥാനാർഥിക്ക് വോട്ട് പോകുന്നുവെന്നത് സാങ്കേതികമായി അസാധ്യമാണ്. ഇക്കാര്യം പരിശോധിച്ച് ഉറപ്പുവരുത്തിയിട്ടുണ്ട്. ബൂത്തിൽ തടസമില്ലാതെ വോട്ടെടുപ്പ് നടക്കുന്നതായും ജില്ലാ കളക്ടർ അറിയിച്ചു.