ഐപിഎൽ: ഹൈദരാബാദിന് ബാറ്റിംഗ്; ഇരു ടീമുകളിലും ഓരോ മാറ്റങ്ങൾ

ഐപിഎൽ എലിമിനേറ്ററിൽ ഡൽഹി ക്യാപിറ്റൽസിനെതിരെ സൺ റൈസേഴ്സ് ഹൈദരാബാദിന് ബാറ്റിംഗ്. ടോസ് നേടിയ ഡൽഹി ക്യാപ്റ്റൻ ശ്രേയാസ് അയ്യർ ഹൈദരാബാദിനെ ബാറ്റിംഗിനയക്കുകയായിരുന്നു. നിർണ്ണായക മത്സരത്തിനിറങ്ങുന്ന ഇരു ടീമുകളും ഓരോ മാറ്റങ്ങൾ വീതം വരുത്തിയിട്ടുണ്ട്.

മോശം ഫോം തുടരുന്ന യൂസുഫ് പത്താനു പകരം ദീപക് ഹൂഡ സൺ റൈസേഴ്സിൽ കളിക്കും. അതേ സമയം, ഡൽഹി ക്യാപിറ്റൽസിൽ കോളിൻ ഇൻഗ്രമിനു പകരം കോളിൻ മൺറോയും പാഡണിയും.

ഈ മത്സരം തോറ്റാൽ ടൂർണമെൻ്റിൽ നിന്ന് പുറത്താവും എന്നതു കൊണ്ട് തന്നെ ഇരു ടീമുകൾക്കും കളി നിർണ്ണായകമാണ്. കെയിൻ വില്ല്യംസൺ ഫോമിലേക്ക് തിരികെയെത്തിയത് സൺ റൈസേഴ്സിന് ആശ്വാസമാകും.