‘എൻസിപിക്ക് വോട്ടു ചെയ്തു, ലഭിച്ചത് ബിജെപിക്ക്’; വോട്ടിങ് മെഷീനിന്റെ വിശ്വാസ്യതയിൽ സംശയം ഉന്നയിച്ച് ശരദ് പവാർ

ഇലക്ട്രോണിക് വോട്ടിങ് മെഷീനിന്റെ വിശ്വാസ്യതയിൽ സംശയം ഉന്നയിച്ച് എൻസിപി നേതാവ് ശരദ് പവാർ. ഒരിക്കൽ ഒരു പ്രസന്റേഷനിൽ തന്റെ പാർട്ടിയായ എൻസിപിക്ക് വോട്ടു കുത്തിയപ്പോൾ ബിജെപിക്ക് പോയതായി ശരദ് പവാർ ആരോപിച്ചു. എന്നാൽ എല്ലാ ഇലക്ടോണിക് മെഷീനുകളിലും കൃത്രിമം നടക്കാൻ ഇടയില്ലെന്നും അദ്ദേഹം പറഞ്ഞു. മാധ്യമങ്ങളോടായിരുന്നു ശരദ് പവാറിന്റെ പ്രതികരണം.

ഗുജറാത്തിലും, ഹൈദരാബാദിലും തന്റെ മുൻപാകെ കൊണ്ടുവന്ന ഇലക്ട്രോണിക് വോട്ടിങ് മെഷീനുകളിൽ അമർത്താൻ തന്നോട് ആവശ്യപ്പെട്ടു. എന്നാൽ ഫലം മറിച്ചായിരുന്നു. എൻസിപിയുടെ ചിഹ്നമായ ക്ലോക്കിൽ അമർത്തുമ്പോൾ ബിജെപിക്ക് അനുകൂലമായി വോട്ട് പോകുന്നതാണ് കണ്ടതെന്നും അദ്ദേഹം കൂട്ടിച്ചേർത്തു.