പൂരപ്രേമികളുടെ കണ്ണും മനവും നിറച്ച് തൃശൂര്‍ പൂരത്തിന്റെ പകല്‍ പൂരത്തിന് സമാപനം

പൂര പ്രേമികളുടെ കണ്ണും മനവും നിറച്ച് തൃശൂര്‍ പൂരത്തിന്റെ പകല്‍ പൂരത്തിന് സമാപനം. ചരിത്ര പ്രസിദ്ധമായ കുടമാറ്റം കാണാന്‍ ലക്ഷങ്ങളാണ് തെക്കേ ഗോപുരനടയിലേക്ക് ഇരമ്പിയാര്‍ത്തെത്തിയത്.

Read more: പൂരം ആവേശക്കൊടുമുടിയിൽ ; കാഴ്ചയുടെ വിസ്മയം തീർത്ത് കുടമാറ്റം

മേളപ്പെരുക്കത്തിനപ്പുറം വര്‍ണ്ണ കാഴ്ച്ച തന്നെയായിരുന്നു കുടമാറ്റം. പതിവ് പോലെ അഞ്ച് മണിയോടെതന്നെ പാറമേക്കാവ് തെക്കോട്ടിറങ്ങി.തിരുവമ്പാടിക്കാര്‍ അഭിമുഖമായി നിന്നു. പിന്നെ വര്‍ണ്ണനകള്‍ക്കതീതമായമായ വര്‍ണ്ണ കാഴ്ച്ച. കൈമെയ് മറന്ന് മത്സരിച്ചു ഇരു കൂട്ടരും സമകാലിക വിഷയങ്ങളും കുടകളില്‍ നിറഞ്ഞത് നവ്യാനുഭവമായി. വെദ്യുതാലാങ്കര കുടകള്‍ ഇരു വിഭാഗവും ഉയര്‍ത്തിയപ്പോള്‍ മൊബൈല്‍ ഫോണ്‍ ഫ്‌ലാഷുകള്‍ തെളിച്ച് കാണികളും ഒപ്പം ചേര്‍ന്നു.