രാജ്‌മോഹൻ ഉണ്ണിത്താനെ കയ്യേറ്റം ചെയ്ത സിപിഎം പ്രവർത്തകർ അറസ്റ്റിൽ

കണ്ണൂർ പിലാത്തറയിൽ യുഡിഎഫ് സ്ഥാനാർഥി രാജ്‌മോഹൻ ഉണ്ണിത്താനെ കയ്യേറ്റം ചെയ്ത മൂന്ന് സിപിഎം പ്രവർത്തകർ അറസ്റ്റിൽ. ചെറുതാഴം സർവീസ് സഹകരണ ബാങ്ക് ജീവനക്കാരായ കുളപ്പുറം ടി.വി.അനീഷ് (25), ഏഴിലോട് ചെയ്യിൽ പി.അശോകൻ (52), പരിയാരം  ഗവ.മെഡിക്കൽ കോളേജ്
ജീവനക്കാരൻ മണ്ടൂർ കല്ലത്ത് ജയേഷ് (35) എന്നിവരെയാണ് പരിയാരം പൊലീസ് അറസ്റ്റു ചെയ്തത്.

റീ പോളിങിന് മുന്നോടിയായി നടന്ന പരസ്യ പ്രചാരണത്തിനിടയിലായിരുന്നു ആക്രമണം.പിലാത്തറ ബസ് സ്റ്റാൻഡിന് സമീപം പ്രചാരണം നടത്തുന്നതിനിടെ ഒരു സംഘം ഉണ്ണിത്താനെ തടയുകയും കയ്യേറ്റം ചെയ്യുകയുമായിരുന്നു.