രാഹുൽ ഗാന്ധി കുതിക്കുന്നു; ഭൂരിപക്ഷം 30000 കടന്നു

വയനാട് ലോക്‌സഭാ മണ്ഡലത്തിൽ രാഹുൽ ഗാന്ധിയ്ക്ക് കൂറ്റൻ ലീഡ്. ആദ്യമണിക്കൂറുകളിലെ വോട്ടെണ്ണൽ പ്രകാരം മുപ്പതിനായിരത്തിലധികം ലീഡാണ് രാഹുൽ ഗാന്ധിയ്ക്ക് ലഭിച്ചിരിക്കുന്നത്. ഉത്തർപ്രദേശിലെ അമേഠിയിലും രാഹുൽ ലീഡ് ചെയ്യുകയാണ്

ആദ്യമണിക്കൂറിൽ കേരളത്തിൽ യുഡിഎഫ് മുന്നേറ്റമാണ് പ്രകടമായിരിക്കുന്നത്. 20 സീറ്റുകളിലും യുഡിഎഫ് മുന്നിട്ട് നിൽക്കുകയാണ്. തിരുവനന്തപുരത്ത് ആദ്യ ഘട്ടത്തിൽ കുമ്മനം രാജശേഖരൻ ലീഡ് ചെയ്‌തെങ്കിലും ശശി തരൂരാണ് ഇപ്പോൾ ലീഡ് ചെയ്യുന്നത്. 3305 വോട്ടുകൾക്കാണ് ലീഡ്.

രാജ്യം മുഴുവനായി നിലവിൽ എൻഡിഎ ആണ് മുന്നിട്ടുനിൽക്കുന്നത്. 290 ൽ അധികം സീറ്റുകളിൽ എൻഡിഎയും 119 സീറ്റുകളിൽ യുപിഎയുമാണ് മുന്നിട്ടുനിൽക്കുന്നത്. മറ്റുള്ളവർക്ക് നൂറിൽ അധികം സീറ്റിൽ ലീഡുണ്ട്.